【分化、結構、能量】關於尋晚，警隊公共關係科個backdrop有我2年前簽名既post，有一啲網友建議，同流出改圖既專頁理論，認為係出於非善意。咁我覺得智力正常既人，都知道唔會有智力正常既人會呢刻撐警，而我目標群眾清晰，笑下咪算囉。但與此同時，有一位前輩inbox，對佢參加運動既兒子（公眾人物，唔想開名），被網絡攻擊為共諜而不快，擔心年輕人handle到暴力、但handle唔到分化，呢樣嚴重好多，令我好有感覺。大家應該發覺我從來無回覆任何網台、pages呢類posts，但最近一個星期，忽然有好多、好多朋友捲入唔同既小型分化，想講少少睇法，希望對大家有用。
每一個社會，都唔可能無陰謀論、江湖是非，呢個除左係人類天性，亦係有一定功用既監察機制，只能夠適應。喺香港，每一個人都會有比人話共諜既時候，特別係呢種開放型社會，每人同每人，都有千絲萬縷關係。但聽慣、滿足咗好奇心之後，自然會獨立思考，呢個係self-learning process，應該相信民智。而且喺互聯網click rate economy，任何有名有姓既人同事，都有「10%效應」：走去佢對立面，得到相關既10% attention，都可能比正面論述既100% attention多clicks；其實好多是非唔關私怨事，反而係咁驅使產生。
既然一定存在，我地就唔應該評論人，而應該觀察structure。例如民主黨，無論佢初心點樣，當好多人質疑佢地走入中聯辦，客觀結果唔係confirm佢地有無投共，而係慢慢發現咗佢地領導既民主運動，其實並無feasibility study，所以失去主導權。又例如被質疑投共既不同本土派人物，被驗證既客觀效果，係多咗人留意佢地同end goal之間effectiveness既關係，入面一定有嘢可以改善，但唔可能一有失誤就變特務。否則全世界，剩係得唔做嘢既人最clean，咁係荒謬既。經得起考驗，自然繼續有影響力，反之亦然。
我係一個離地中產，同埋一個香港人。屈小姐式深藍我無能為力，深黃應該唔會睇我論述，呢度既價值（如果有的話），就係通過表面既論述、背後既network，connect淺藍、中間、淺黃一群人，走向進步既方向。呢班人入面，包括無數表藍實黃既朋友，佢地因為工作原因，永遠做雙面人，一方面要頂得順身邊環境，另一方面出唔到去發夢見同路人，背後做咗好多好人好事，外人又唔可以知，結果好似誠哥咁，「對那些莫須有的指責，已經習慣了」。佢地有資源、有人脈、有知識、有心有力，唯一缺乏既，反而係同路人既精神支持。所以，我地不斷#WeConnect。
我既背景，大家應該幾清楚，同各種建制朋友既熟絡程度，從來都唔係秘密，但呢樣，亦係價值之一。過去6個月，我離開咗一啲國際商界、大陸學界既post，只係想比較自由咁思考同寫野。我深信呢幾年，特別係2022年前，如果唔做嘢，以後無得做。對我既質疑，我會用黎evaluate，自己係咪effectively engage到target audience呢個pool，convert佢地去同路人既方向。有用，自然繼續，做得唔好，自然收皮。
成日同身邊朋友講，關公講清楚就完，永遠唔留喺泥濘，因為嗰度唔係結構。希望以上分享，可以對近日因為唔同原因，面對分化既同路人，一齊打氣，同埋有少少啟示。
漫漫長路，持久戰，大家努力。
Search